Павлодарда мектеп автобусы жол апатына түсті

Сараптама тағайындалды. Тексеру жүріп жатыр

Жол-көлік оқиғасы салдарынан кәмелетке толмаған төрт бала медициналық көмекке жүгінді, деп хабарлайды Pavlodarnews.kz.

Павлодар облысы полиция департаментінің хабарлауынша, 6 қазан күні сағат 14.15-те Елгин - Щедрин көшелерінің қиылысында «КАМАЗ» маркалы өрт сөндіру автокөлігі мен «ПАЗ-32053-70» маркалы мектеп автобусы соқтығысқан. Салдарынан автобус көлік тұрағындағы «Фольксваген» автомобиліне барып соғылды.

«Жол-көлік оқиғасы салдарынан кәмелетке толмаған төрт бала медициналық көмекке жүгінді», - делінген ведомство хабарламасында.

Сараптама тағайындалды. Тексеру жүргізілуде.

×
Бұл желілік ресурстың ақпараттық өнімдері 18 жастан асқан адамдарға арналған.