ШұғылЕлімізде коронавирустың таралу қарқыны бәсеңдеді

Павлодарда Toyota Land Cruiser көлігі отқа оранды

Оқиғадан қаза болғандар мен зардап шеккендер жоқ

Павлодарда Toyota Land Cruiser көлігі отқа оранды. Оқиға орнына жеке құрамнан 10 адам мен үш техника жұмылдырылды, деп хабарлайды Pavlodarnews.kz.

Облыстық ТЖД баспасөз қызметінің мәліметінше, 8 қыркүйек күні сағат 22.31-де Центральная промзона көшесі, 395/1 мекенжайы бойынша өрт туралы хабарлама түскен. 

«Ашық аумақта 1998 жылы шыққан Toyota Land Cruiser 100 автокөлігінде жалпы ауданы 4 шаршы метр болатын мотор бөлігі, құралдар панелі толығымен жанып кетті. 10 шаршы метр алаңға жанар-жағармай төгілген», - делінген хабарламада. 

Қаза болғандар мен зардап шеккендер жоқ.

Өрт сағат 23.01-де сөндірілді. Көліктің жануына электр сымдарының қысқа тұйықталуы себеп болған.