Карантин кезінде Қытай азаматтарын отанына жіберуге уәде берген әйел ұсталды

Алматыда карантинде Қытай азаматтарын отанына жіберуге уәде берген әйел ұсталды, деп хабарлайды Polisia.kz.

Еске сала кетейік, 20-дан астам адам 40 жастағы М.есімді әйелдің заңсыз әрекеттеріне шағымданып, ресми арызбен полицияға жүгінген.

«Жәбірленушілердің айтуынша, күдікті 2021 жылдың ақпанынан сәуіріне дейінгі аралықта турфирма атынан әрекет етіп, Қытай азаматтарына оларды ұшақ арқылы өз отанына жіберуге уәде берген. Бұл қызмет құны үйге барғысы келетіндердің барлығына 650 мыңнан 950 мың теңгеге дейінгі аралықта болған. Шын мәнінде, әйел уәдесін орындамаған. Оның әрекеті тергеумен ҚР ҚК-нің 190 бабы 3-бөлігі бойынша тіркелді. Күдікті ұсталды және ҚР Қылмыстық іс жүргізу кодексінің 131-бабына сәйкес ПД уақытша ұстау изоляторына қамалды. Сот оны қамауға алуға рұқсат берді. Тергеу жалғасуда», – деді Бостандық аудандық ПБ жанындағы полиция бөлімінің бастығы Ғалым Қасымбаев.