Павлодарда жол апаты болып, бірнеше адам зардап шекті

Павлодарда жол апаты болып, бірнеше адам зардап шекті, деп хабарлайды Pavlodarnews.kz.

Облыстық полиция департаменті баспасөз қызметінің мәліметінше, "Хундай Грета" және "Тойота Камри" автокөліктері соқтығысқан.

«Салдарынан "Хундай Грета" автокөлігі ағашқа барып соғылған. Жол апатынан "Хундай" автокөлігінің 1972 жылы туған жүргізушісі мен "Тойота" автокөлігінің 1999 жылғы жүргізушісі жарақат алып, ауруханаға жеткізілді. Оқиға орнында полиция қызметкерлері жұмыс істеуде», - деді департаментте. 

Облыстық денсаулық сақтау басқармасында № 1 қалалық ауруханаға үш адам жеткізілгенін хабарлады.

1972  жылғы әйел  мен 1999 жылғы ер адамда бас миының жабық жарақаты, мойын омыртқасының жарақаты анықталған, 1994 жылғы әйелдің сол жақ білек буыны көгерген.