Павлодар облысында жол апатынан бір адам көз жұмып, екі жолаушы ауруханаға түсті

Павлодар облысында жол апатынан бір адам көз жұмып, екі жолаушы ауруханаға түсті, деп хабарлайды Pavlodarnews.kz.

Облыстық полиция департаменті баспасөз қызметінің мәліметінше, көлік арнайы айып тұрағына қойылған. 

«2021 жылғы  6 қыркүйекте сағат 10.00-де Бәйет ауылының жанындағы Қызылорда - Павлодар автожолының 146 шақырымында "Chery Tiggo 3" автокөлігінің 37 жастағы жүргізушісі рөлді басқара алмай қалған. Жол-көлік оқиғасы салдарынан 1957 жылы туған жолаушы алған жарақатынан ауруханада көз жұмды. Екі жолаушы түрлі жарақатпен ауруханаға жеткізілді», - деді департаментте.

Аталған фактіге қатысты ҚР ҚК 345-бабы 3-бөлігі бойынша сотқа дейінгі тергеу басталды.

Айта кету керек, ағымдағы жылдың басынан бері Павлодар облысының аумағында 356 ЖКО тіркелген, соның нәтижесінде 31 адам қаза тапты, тағы 504 адам жарақат алды.