Павлодарда зейнеткерді көлік қағып кетті
Жыл басынан бері өңірде 350-ден астам жол-көлік оқиғасы тіркелген
Павлодарда зейнеткерді көлік қағып кетті. Жол-көлік оқиғасы салдарынан жаяу жүргінші жарақат алып, ауруханаға жеткізілді, деп хабарлайды Pavlodarnews.kz.
Облыстық полиция департаментінің мәліметінше, ЖКО фактісі әлеуметтік желілерді мониторингілеу кезінде пабликтердің бірінде анықталған.
«2 қыркүйек күні сағат 11.20-да Ак. Шөкин көшесіндегі 103/1-ші үйдің ауласында "Тойота Альфард" автокөлігінің 52 жастағы жүргізушісі "артқа жүру" маневр жасау ережелерін бұзып, 1957 жылы туған жаяу жүргіншіні қағып кеткен. Жәбірленуші полицияға арыз жазған жоқ. ЖКО фактісі бойынша тексеру жүргізілуде», - деді баспасөз қызметінде.
Полиция автокөліктің арнайы айыппұл тұрағына қойылғанын хабарлады.
Айта кету керек, ағымдағы жылдың басынан бері өңірде 356 ЖКО тіркелген, салдарынан 31 адам қаза тауып, 504 адам жарақат алды.
