Түркістан облысында автобус бұзылып, 40 адам далада қалды

«Алматы-Ташкент-Термез» тас жолында Өзбекстан астанасына шыққан автобус бұзылып, 40 жолаушы далада қалды деп хабарлайды «ҚазАвтоЖол» ҰК» АҚ баспасөз қызметі.

Оқиға таңғы уақытта болғандықтан, жағдай қиындай түскен. «ҚазАвтоЖол» қызметкерлері жолда қалған автобусты кездейсоқ көріп, дереу құтқаруға кірісіпті. Олар жолаушыларды Түркістан облысы, Түлкібас ауданы, Ақбиік ауылындағы мердігер ұйымның базасына жеткізген

«Қазіргі таңда жолаушылардың барлығы базада, азық-түлік және демалыс орындарымен қамтамасыз етілген. Ал, автобус әлі де күре жолдың бойында сынып тұр. Мердігер ұйымның механиктері жөндеу жұмыстарына көмектесіп жатыр», - деді «ҚазАвтоЖол» ҰК» АҚ баспасөз хатшысы Маржан Ордабай.