ШҚО-да жол апатынан бір адам қаза тапты

Шығыс Қазақстанда жол апатынан бір адам қаза тапты, деп хабарлайды Алтайньюс.

Облыстық полиция депаратменті 26 шілде сағат 22:00 кезінде Семей-Өскемен трассасында болған оқиға туралы мәлімдеді.

«Nissan Almera маркалы көлік тізгініндегі жүргізуші алдыңғы көлікті басып озбақ болып, Audi-мен соқтығысқан», – деп мәлімдеді департамент.

Апат салдарынан Nissan-дағы 46 жастағы жолаушы қаза тапты. Ал жүргізуші мен екінші жолаушы ауруханаға жеткізілді.

Қазір Қылмыстық кодекстің 345-бабының 3-бөлігі (абайсызда адам өліміне әкеп соққан ЖҚЕ бұзу) бойынша сотқа дейінгі тергеу жүргізіліп жатыр.