ШұғылЕлімізде тағы 7778 адамнан коронавирус анықталды

Павлодарда жалған вакцина паспортын жасаған дәрігерлер ұсталды

Аталған факті бойынша сотқа дейінгі тергеу амалдары жүргізілуде

Фото: ашық дереккөзден

Павлодар емханаларының бірінде жалған вакцина паспортын сатқан дәрігерлер ұсталды. Жедел іздестіру шараларын облыстық ҰҚҚД мен ПД қызметкерлері бірлесе жүргізген.    

«Меңгеруші, жалпы практика дәрігері, сондай-ақ осы емхананың екі медбикесі белгілі бір ақша сомасына вакцинацияланғандардың деректер базасында жалған тіркеуді жүзеге асырды деп күдіктелуде. Тергеу барысында медицина қызметкерлері 200 - ден астам жалған вакцинация паспорттарын жасағандығы анықталды», - деді Павлодар облысы ПД бастығының міндетін атқарушы Жасқайрат Қайыров.   

Аталған факті бойынша ҚР ҚК 385-бабы 2-бөлігі бойынша сотқа дейінгі тергеу амалдары жүргізілуде. Мән-жайлар анықталуда.  

Эльмира Мәмбетқызы