Алматыда қоймада ірі өрт болды

Алматыда қоймада ірі өрт болды, деп хабарлайды Azattyq Rýhy қалалық Төтенше жағдайлар департаментіне сілтеме жасап.

«3 шілдеде таңғы сағат 4: 44-те Алматы қаласы Төтенше жағдайлар департаментінің 101 пультіне  Жетісу ауданындағы солтүстік айналма жолындағы қоймалардың өртенгені туралы хабарлама келіп түсті.   

Күштер мен құралдар жоғары дәрежедегі шақырту бойынша шықты. 5 минуттан кейін келген кезде қоймалары ашық жалынмен жанып, өрттің таралуы көрші қоймаларға өрт қаупі төнді. Оқиға орнында Штаб құрылып, 4 өрт сөндіру учаске құрылды. Барлық қолда бар сумен жабдықтау көздері іске қосылып, суды үздіксіз беру қамтамасыз етілді, өртті сөндіруге авиация тартылды. 

Өртті жоюға 84 қызметкер мен 24 бірлік техника, сондай-ақ қаланың өзара шұғыл ден қою қызметі жұмылдырылды. 

Өрт сағат 07:44-те оқшауланып сағат 08:19-да толығымен жойылды», - деді қалалық ТЖД баспасөз қызметі.   

Қабылданған шаралардың арқасында сол жерге жақын орналасқан 4 қоймаға өрттің таралуына жол берілмеді.