ШұғылҮкімет тамызда карантиндік шектеу шараларын күшейтеді

Алматы облысында ер адамды Шарын өзенінің ағыны алып кетті

Құтқарушылар туристі іздестіріп жатыр

Фото: ашық дереккөзден

Алматы облысында ер адамды Шарын өзенінің ағыны алып кетті, деп хабарлайды Azattyq Rýhy ҚР ТЖМ баспасөз қызметіне сілтеме жасап.

1 шілдеде сағат 11.15-те «112» пультіне Алматы облысының Кеген ауданында 1984 жылы туған ер адамды Шарын өзенінің ағыны алып кетті. Іздестіру жұмыстарын жүргізу үшін оқиға орнына тез арада Алматы облысы ТЖ департаментінің күштері мен құралдары жіберілді. Олардың жалпы саны жеке құрамнан 15 адам мен 4 бірлік техника. Оқиға орнына сағат 12.05-те ТЖМ Республикалық жедел-құтқару жасағының құтқарушылары да жіберілді. Олардың жалпы саны жеке құрамнан 8 адам мен 1 кинологиялық қызмет есебі. Сағат 13.00-де оқиға орнына «Қазавиақұтқару» АҚ-ның тікұшағы ұшты. Қосымша күштер мен құралдар жіберіледі.

Алдын ала мәліметтерге сәйкес, ер адам туристік топпен жүріп, фотоға түсу кезінде қауіпті аймақта аяғы тайып кетіп, суға құлаған. Оны өзен ағыны алып кетті.