Алматыда жас балаларды қорлады деген күдікпен тәжікстандық азамат қолға түсті

Ер адамның 2017 жылдан бері өз елінде іздеуде болғаны анықталды

Алматы полициясы кәмелетке толмаған баланы қорлады деген күдікпен Тәжікстан азаматын ұстады, деп хабарлайды Azattyq Rýhy.

Алматының көші-қон қызметінің хабарлауынша, «Келімсек» іс-шарасы кезінде, ауыр қылмыс жасағаны үшін өз елінде іздеуде жүрген шетелдік азамат ұсталған.

«Жедел-іздестіру іс-шараларын жүргізу кезінде қалалық криминалдық полиция қызметкерлері біздің бөлімнің өкілдерімен бірге Тәжікстан Республикасының азаматы, Гиссар қаласының тұрғыны - 1995 жылы туған М. есімді азаматты ұстады және қабылдап-таратуға орналастырды. Ер адамның 2017 жылдан бастап Гиссар аудандық ІІМО-мен Тәжікстан Республикасының ҚК-нің 141 бабы 2 бөлімі - кәмелетке толмағандарды қорлау бойынша қылмыс жасағаны үшін іздестіріліп жатқаны анықталды. Ұсталған адамды экстрадициялау мәселесі халықаралық шарттарға сәйкес шешіледі», - деді Алматы қалалық ПД көші-қон қызметі Басқармасының бастығы, полиция полковнигі Асхат Бутунчинов.

Сонымен қатар, полиция, тиісті қоғамдық тәртіпті сақтау, шетелдіктердің Қазақстан Республикасында болу ережелерін бұзу фактілерін анықтау мақсатында Алматы қаласында «Келімсек» жалпыреспубликалық жедел-алдын-алу іс-шарасы басталғанын еске салды. Іс-шара 7 маусымда басталды және 16-ын қоса алғанда жалғасады.

×
Бұл желілік ресурстың ақпараттық өнімдері 18 жастан асқан адамдарға арналған.