ШұғылҚазақстанда COVID-19 вирусын жұқтырғандар саны 110 мың адамға жуықтады

Батыс Қазақстанда вахта қалашығындағы вагондар отқа оранды

Бәйтерек ауданы аумағындағы  вахталық қалашықта бүгін таңғы сағат 05.46-да 13 вагон отқа оранған

Бәйтерек ауданы аумағындағы Чинарев кенішінің тұрғын үй қалашығында өрт болды, деп хабарлайды Azattyq Rýhy ҚазАқпаратқа сілтеме жасап.

БҚО ТЖ департаменті Азаматтық қорғау саласында апат қаупін төмендету және бақылау басқармасының бастығы, азаматтық қорғау подполковнигі Ерлан Төрегелдиевтің айтуынша, вахталық қалашықта бүгін таңғы сағат 05.46-да 13 вагон отқа оранған.

Чинарев кеніші жақын маңдағы өрт сөндіру бөлімінен 75 шақырым қашықтықта орналасқан. Өрт жөнінде 112 телефонына мемлекеттік емес өрт сөндіру қызметі – «Семсер – Өрт сөндіруші» ЖШС-дан үш сағаттан астам уақытқа кешігіп, 08.56-да хабарланған.

Оқиға орнына өрт сөндірушілермен бірге департаменттің өрт сынағы зертханасы қызметкерлері (8 адам, 2 техника), сондай-ақ полиция (2 адам, бір техника) дереу аттанды.

Соңғы мәліметке қарағанда, «Saipem» компаниясына тиесілі вахталық қалашық жабылған.

Тілсіз жау сағат 09.07-де сөндірілді. Алдын ала мәлімет бойынша өрт аумағы 300 шаршы метрді қамтыды. Зардап шеккендер жоқ.

Өрттің шығу себебі, келген шығын, кінәлі адамдар анықталу үстінде.

«Өртті тез сөндіру үшін оны дер кезінде хабарлаудың маңызы зор», - дейді Е.Төрегелдиев.

Еске сала кетейік, бұдан бұрын БҚО-да «КамАЗ» көлігінің өртеніп кеткенін жазған болатынбыз.

Тегтер: