ШұғылҚазақстанда өткен тәулікте КВИ жұқтырғандар саны күрт өсті

Қарағандыда 300-ге жуық адам қаржы пирамидасына алданған

Шығын көлемі 80 млн теңгеден асады

Фото: dailynews.kz

Қарағандыда 280 адам қаржы пирамидасына алданып қалған, деп хабарлайды Azattyq Rýhy «Астана» телеарнасына сілтеме жасап.

«Лидер Капитал 168» атты ұйым «өсіммен қайтарамыз» деп жұрттан қомақты қаржы жинап алған. Шығын көлемі 80 млн теңгеден асады. Алаяқ фирманының әрекетін Қарағанды облысы бойынша Экономикалық тергеу департаменті әшкереледі.

Ұйымдастырушы әйел қаржылық ұйымды былтыр ашып, бизнесін жеке пәтерде жүргізген. Айғақ заттар дәл осы үйден тәркіленді. Ол тұрғындарды ақшасын жоғарғы пайызбен  еселеуге  үгіттеген.  Салым сомасын теңгемен 18%, ал доллармен 6% мөлшерінде жыл сайын көбейту шартымен 80 миллион теңгеден астам ақша жинап үлгерген.  

«Қарағанды облысы бойынша Экономикалық тергеу департаменті «Лидер Капитал 168» атты қаржы пирамидасының қызметін тоқтатты. Ұйымнан зардап шеккен азаматтардан тез арада хабарласуын сұраймыз. Аталған факт бойынша ҚК-нің 217-бабының 1-інші бөлімі, яғни қаржы пирамидасын құру және оған басшылық ету бабымен сотқа дейінгі тергеу басталды», - деді Қарағанды облысы бойынша ЭТД 2-тергеу басқармасының аға тергеушісі Дана Байдүйсенова.