ШұғылCOVID-19: Қазақстанда вирус жұқтырғандар саны 406 мыңнан асты

Павлодар түрмесінде сотталушылар педофилді өлтіріп тастаған

Соққыға жығылған сотталушы медициналық көмекке жүгінбеген және мекеме әкімшілігіне шағым айтпаған

 

Фото: ашық дереккөзден

Павлодар облысының ҚАЖ мекемесінде сотталғандардың бірі екіншісін өлтірді, деп хабарлайды Azattyq Rýhy.

Облыстық Қылмыстық-атқару жүйесі департаментінің баспасөз қызметінің хабарлауынша, оқиға 8 мамыр күні болған.

«Павлодар облысы бойынша қылмыстық-атқару жүйесі департаментінің АП-162/4 қауіпсіздігі барынша жоғары мекемесінде кісі өлтіргені үшін жазасын өтеп жатқан 44 жастағы сотталушы жанжал нәтижесінде басқа қамаудағы адамға өмірімен үйлеспейтін қасақана дене жарақатын салған», - делінген хабарламада.

Оқиға мекеменің санитарлық торабының ғимаратында кешкі уақытта болған. Зардап шегуші медициналық көмекке және мекеме әкімшілігіне шағымен және өтініштермен жүгінбеген.

«Алған жарақаттарының нәтижесінде сотталған адам 9 мамыр күні жасақтағы өз жатын орнында қайтыс болды. Шұғыл шақырылған жедел жәрдем бригадасы ҚР Қылмыстық кодексінің 120-бабы 3-1-бөлігі, 1-тармағы (кәмелетке толмағандарға қатысты зорлау) бойынша жазасын өтеп жатқан адамның қайтыс болғанын анықтады», - делінген ҚАДЖ хабарламасында.

Мән-жайды анықтау мақсатында оқиға орнына тергеу-жедел тобы, прокуратура, өзіндік қауіпсіздік қызметі және ҚАЖ департаментінің өкілдері барды. Сондай-ақ, ұлттық алдын алу тетігінің және қоғамдық бақылау комиссиясының қатысушылары шақырылды.