Қостанай облысында трактор аударылып, үш адам қаза тапты

Қостанай облысы Қарасу ауданы Комсомол ауылы маңында көрші ауылға жұмысшыларды апара жатқан трактор аударылып, үш адам қаза тапты, деп хабарлайды Azattyq Rýhy.

«13 сәуір күні көрші ауылға жұмысшылар апара жатқан «К-744» маркалы трактор аударылып кеткен. Тракторда 4 адамның үшеуі қайтыс болды, біреуі аман қалды», - делінген облыстық Полиция департаментінің баспасөз хабарламасында.

Қарасу ауданы әкімдігінің мәліметінше, «Astana Grand Trade» ЖШС қаза болғандардың отбасына материалдық көмек көрсеткен.

Қазіргі уақытта тиісті сараптама тағайындалып, тергеу жүргізіліп жатыр.