Жұмысқа орналастыру үшін әскери қызметкер 1 млн теңге сұраған

Алматы аймақтық гарнизоны әскери полиция басқармасының бастығы 1 миллион теңге пара алып жатқан жерінде ұсталды. Әскери шендіге қатысты сот алды тергеу жұмыстары басталды, деп хабарлайды Azattyq Rýhy.

Ол біреуді жұмысқа орналастыруға 1 миллион теңге пара алды деген күдікке ілінген. Қалтасынан бума-бума ақша шыққан күдікті жаңа қызметкерге алдағы уақытта қамқорлық жасауға да уәде беріпті. Алайда, әскери полиция басшысының заңсыз әрекетін жемқорлыққа қарсы агенттік әшкере етті.

Күдікті кінәсін бірден мойындаған. Бірақ қорғаушысы өтініш хат бергендіктен, ол қамауға алынған жоқ.

Дереккөз: КТК арнасы