ШұғылҚазақстанда коронавируспен ауырғандар саны 595 мыңнан асты

Жамбыл облысында іздеуде жүрген 4 адам екі күннің ішінде табылды

1 қаңтардан бері полицейлер хабар-ошарсыз кеткен 37 адамның орналасқан жерін анықтаған

Фото: fan.az

Демалыс күндері жамбылдық полицейлер хабар-ошарсыз жоғалып кеткен 4 адамды іздеп тапты, деп хабарлайды Azattyq Rýhy.

Өткен демалыс күндері Жамбыл облысының ПД криминалдық полиция қызметкерлері хабар-ошарсыз кеткен 4 адамның мекенжайын анықтады.

Жоғалғандардың жасы 17-ден 65 жасқа дейінгі аралықта болған. Олардың үйден кету себептері – отбасылық жанжалдар мен тұрмыстық қиындықтар.

«Мәселен, облыс орталығының 56 жастағы тұрғыны тұрақты жұмыс пен табыс таппау салдарынан әйелімен жанжалдасып, үйден шығып кетіп, қайтып оралмаған. Бірнеше күн іздеуден кейін оның таныстарының үйінде болғаны анықталды. Ер адаммен профилактикалық әңгіме жүргізілді», - делінген облыстық Полиция департаментінің баспасөз хабарламасында.

Тек статистикалық мәліметтерге сәйкес, 2021 жылдың 1 қаңтарынан бастап полиция қызметкерлері хабар-ошарсыз кеткен 37 адамның орналасқан жерін анықтады.