ШұғылВакциналацияланғанын растайтын паспорттың кімдерге берілетіні айтылды

Қарағандыда жанжалдасқан тұрғындар бір-біріне пышақ тығып алған

Оқиғаны арлы-берлі өткен жүргіншілердің бірі видеоға түсіріп алған

Фото: instagram.com/shock_krg

Қарағандыдағы Майқұдық шағынауданында екі ер адам мен әйел жанжалдасып қалған.  Алайда жанжал соңы бір-біріне пышақ сұғып алумен аяқталған, деп хабарлайды Azattyq Rýhy.

Тұрғын үйлердің ауласында болғандықтан оқиғаны арлы-берлі өткен жүргіншілердің бірі видеоға түсіріп, әлеуметтік желіге жүктеген.

Бейнекадрлардан белгілі болғандай, жанжалға қатысқан екеу жерде жатыр. Үшіншісі - ер адам олардың жанында тұр, ол оқиға куәгерлеріне аяғынан алған пышақ жарақатын көріп, әлдене айтуда.

 «23 наурызда сағат 16.30-да Қарағанды қаласының 40 жастағы тұрғыны жанжал барысында 34 жастағы танысына пышақ жарақатын салған. Полиция қызметкерлері оқиғаның барлық қатысушыларын ізін суытпай анықтады. Аталған факт бойынша ҚР ҚК 293-бабы 3-бөлігі бойынша сотқа дейінгі тергеу басталды», – делінген облыстық Полиция департаментінің баспасөз қызметінің хабарламасында.