ШұғылҚазақстанда коронавирусты қайта жұқтыру бойынша 800-ге жуық жағдай тіркелді

Желіде түрмеден шыққан 400 адамның қалада емін-еркін жүргені жайлы ақпарат тарады

Нұр-Сұлтан қаласы Полиция департаментіндегілер бұл ақпараттың шындыққа жанаспайтынын мәлімдеді

скриншот

Әлеуметтік желіде түрмеде жазасын өтеп жатқан 400 адамның босатылып шыққаны және олардың бәрі қалада емін-еркін жүргені туралы хабарлама тарады.

Хабарламада айтылғандай, олар (түрмеден шыққандар) өздерін «кілем тазалаушы» ретінде таныстырады екен.

«Оларды қарапайым адамдардан ажырату қиын, ойында не барын да білмейсің. Сақ болыңыздар!», - делінген жазбада.

Алайда, Нұр-Сұлтан қаласы Полиция департаментіндегілер бұл ақпараттың шындыққа жанаспайтынын мәлімдеп, жалған ақпарат таратқандар үшін қылмыстық жауапкершілік қарастырылғандығын ескертті.