ШұғылҚазақстанда коронавирусты қайта жұқтыру бойынша 800-ге жуық жағдай тіркелді

Атырауда микронесие ұйымының кеңсесіне қарақшылық шабуыл жасалды

Полицейлер көп ұзамай 25 жастағы күдіктіні қолға түсірді 

Атыраулық полицейлер микронесие ұйымының кеңсесіне қарақшылық шабуыл жасаған күдіктіні ұстады, деп хабарлайды Azattyq Rýhy облыстық Полиция департаментінің баспасөз қызметіне сілтеме жасап.

5 наурыз күні сағат 10:45 шамасында 102 операторына Атырау қаласы Вокзал маңы ышқамауданында орналасқан микронесие ұйымы кеңсесінің кассирі медициналық бетперде киген белгісіз азаматтың 10:30 шамасында пышақпен қорқытып, кассадағы 400 000 теңгені алып кеткені туралы хабарлама берген.

«Полиция департаментінің қызметкерлері жедел-іздестіру шараларының нәтижесінде қылмыстың ізін суытпай 25 жастағы күдіктіні ұстап, уақытша ұстау изоляторына қамады», - делінген ПД хабарламасында.

Қазіргі таңда ҚР Қылмыстық кодекстің 192-бабы 1-бөлігі бойынша тергеп-тексеру амалдары жүргізілуде.

Өзге ақпарат ҚР ҚПК-нің 201 бабына сәйкес жариялануға жатпайды.