Павлодарда жол апатынан екі адам мерт болып, жеті адам зардап шекті
Жол-көлік оқиғасы Павлодар мен Ақтоғай ауылының арасындағы жолда орын алған
Павлодар облысындағы жол-көлік оқиғасында екі адам қаза тапты, деп хабарлайды Azattyq Rýhy тілшісі pavlodarnews.kz сайтына сілтеме жасап.
Павлодар облысының жедел жәрдем станциясының баспасөз қызметі апат салдарынан екі адамның қайтыс болғанын растады.
Оқиға орнынан жеті адам Ақтоғай аудандық ауруханасына жеткізілді.
«ҚазАвтоЖол»ҰК» АҚ баспасөз қызметі хабарлағандай, Kia-Ria және ВАЗ-2109 маркалы екі автокөлік Ленин-Ертіс – Русская поляна жолында соқтығысқан.
«Қатты соққыдан ВАЗ-2109 автокөлігінің жүргізушісі оқиға орнында көз жұмды, ал алдында отырған жолаушы ауруханаға барар жолда қайтыс болды. Оқиға орнынан Ақтоғай аудандық ауруханасына дәрігерлер қаза тапқан адамдарды есептемегенде 8 адамды алып кеткен», - деп хабарлады «ҚазАвтоЖол»ҰК» АҚ баспасөз қызметінің жетекшісі Маржан Ордабай.
