Ол 41 жастағы азамат заңды некедегі әйелін ұрып жатқанын айтқан
Атырауда полицияға жалған хабар берген тұрғын жазаланды, деп хабарлайды Azattyq Rýhy тілшісі облыстық полиция департаменті баспасөз қызметіне сілтеме жасап.
«18 ақпанда сағат 22:50 шамасында 41 жастағы азамат заңды некедегі әйелін ұрып жатқанын айтып, хабарлама берген. Осыған байланысты учаскелік полиция инспекторлары тексеру жүргізді. Тексеру кезінде аталған азаматтың полицияға жалған хабар бергені белгілі болды. Наркологиялық сараптаманың қорытындысымен аталған азаматтың орта дәрежедегі мас екені анықталды. Оған 43 755 теңге көлемінде айыппұл салынды», - деп жазылған хабарламада.
