Fly Arystan ұшағы Алматы әуежайына шұғыл түрде қонуға мәжбүр болды

Fly Arystan әуе компаниясының Нұр-сұлтан – Шымкент бағытындағы ұшағы шұғыл түрде Алматы әуежайына қонуға мәжбүр болды, деп хабарлайды Almaty.tv.

Әуе компанияның баспасөз қызметі ұшақтың шұғыл түрде қонуына ауа райының қолайсыздығы себеп болғанын айтты.

«19.02.2021 сағат 08:55-те Нұр-Сұлтан - Шымкент бағыты бойынша 7325 борты ауа райының қолайсыздығына байланысты Алматы халықаралық әуежайына қонды. Шымкентке ұшу уақыты 10:45-ке ауыстырылды», –  деп хабарлады баспасөз қызметі.

Әуе компаниясындағылар ұшақтың Алматы әуежайына қауіпсіз қонғанын атап өтті. Төтенше жағдай салдарынан жолаушылардың ешқайсысы зардап шеккен жоқ.