Автобус толық жанып кетті, зардап шеккендер жоқ
Талдықорғанда қаласында Назарбаев даңғылының бойында 228-ші бағыттағы автобус отқа оранды. Өрт сымдардың қысқа тұйықталуынан болуы мүмкін. Жолаушылар автобусы толық жанып кеткен, өрттен зардап шеккендер жоқ.
Алматы облысы ТЖД өкілдерінің айтуынша, өрт шыққан сәтте автобус ішінде 5 жолаушы болған. Олардың бәрі сыртқа шығып үлгерген. Өртті сөндіруге ТЖД-ның 14 қызметкері мен 3 техника жұмылдырылған.
Жолаушылар автобусы «Трансталл» ЖШС-ға тиесілі. Өртенген көлік аталған серіктестіктің аймағына жеткізілген.
