Дубайдан келген жолаушыдан коронавирус анықталды

19 қаңтарда Қазақстан аумағына Германия, Корея, Мальдив, БАӘ, Мысыр, Түркия, Ресей, Беларусь, Өзбекстан және Қырғызстан елдерінен 13 халықаралық әуе рейсімен 1 915 қазақстандық ұшып келді. Жолаушылардың 1 713-інде теріс нәтиже көрсетілген ПТР-анықтама болса, қалған 202 жолаушы тиісті анықтамасыз келген.   

Оның ішінде:

• Алматы әуежайына – 8 рейс (1 479 жолаушы, анықтамамен - 1 319, анықтамасыз – 160);
• Нұр-Сұлтан әуежайына – 4 рейс (199 жолаушы, анықтамамен - 198; анықтамасыз – 1);
• Қостанай әуежайына – 1 рейс (237 жолаушы, анықтамамен - 196; анықтамасыз – 41).

Анықтамасы жоқ жолаушылар келген жері бойынша ПТР-тестен өтіп, карантиндік стационарларда нәтижесін күтуде.

Сондай-ақ, 18 қаңтарда анықтамасыз келген 132 ҚР азаматының бірінен коронавирус анықталды. Ол Алматыға Дубай (БАӘ) қаласынан ұшып келген.