Қостанайда жанар-жағармайды заңсыз тасымалдаған тұрғын бір жарым жылға сотталды

Тәркіленген 23 тонна дизель отыны мемлекет кірісіне алынды

Қаржы мониторингі комитетінің Қостанай облысы бойынша экономикалық тергеу департаментінің қызметкерлері облыс аумағында тиісті ілеспе құжатсыз жалпы көлемі 23 мың литр болатын жанар-жағармайды заңсыз сатып алу және тасымалдаудың жолын кесті.

Аталған факті бойынша Қылмыстық кодекстің 197-бабының 3-бөлімі бойынша қылмыстық іс қозғалды. Мамандардың қорытындысына сәйкес, шығын 4,3 млн теңгені құрады.

Қостанай қаласы №2 сотының үкімімен сотталушы кінәлі деп танылып, оған 1 жыл 6 ай бостандығын шектеу жазасы тағайындалды.

Мақалада

#Қостанай облысы #заңсыз тасымал #жанар-жағармай #сот үкімі

Алдыңғы жаңалық

Қуат Хамитов үш жылға сотталуы мүмкін