Индонезияда жолаушылар ұшағы апатқа ұшырады

Теңізге құлаған әуе кемесінің бортында 62 жолаушы болған, оның жетеуі – бала

Sriwijaya Air әуе компаниясының Boeing 737-500 ұшағы Джакарта әуежайынан ұшып шыға салысымен теңізге құлаған, деп хабарлайды Azattyq Rýhy РИА Новости агенттігіне сілтеме жасап.

«Лайнердің сынықтары мен жолаушылардың денелерін су бетінен алғашқы болып жағалау күзетінің кеме капитаны көрген», - деп жазады Синхуа агенттігі.

Айта кетерлігі, SJ182 рейсімен байланыс UTC уақыты бойынша сағат 7:40-та (Астана уақытымен 13:40-та) үзілген. Ұшақ Джакарта әуежайынан ұшып шыға салысымен 4 минуттан соң радардан жоғалып кеткен.

Джакартадан Понтианакқа бағыт алып шыққан әуе кемесінің бортында 62 адам болған, оның жетеуі – бала.

Мақалада

#Жолаушылар тасымалы #қайғылы оқиға #Ұшақ апаты #Индонезия

Алдыңғы жаңалық

Ақтауда үш адам зардап шеккен жол апаты видеоға түсіп қалған