Оралда күйеуін пышақтап өлтірген әйел қамауға алынды

Жаңа жыл қарсаңында Орал қаласындағы отбасылардың бірінде жанжал шығып, әйел азаматтық некеде тұрып жатқан күйеуін пышақтап, ер адам жедел жәрдем жеткенше жан тапсырған. Бұл туралы Батыс Қазақстан облысы Полиция департаментінің баспасөз қызметі хабарлайды.

Оқиға 2020 жылдың 28 желтоқсанында түнгі сағат екілер шамасында Кердері көшесінде орналасқан үйде болған. 37 жастағы әйел жанжал кезінде бірге тұратын азаматтың кеуде тұсына пышақ салып, ер адам жедел жәрдем жеткенше оқиға орнында қайтыс болған.

Қазір әйел уақытша ұстау изоляторына қамалып, аталған іс бойынша Қылмыстық кодекстің 99-бабы (адам өлтіру) бойынша сотқа дейінгі тергеу басталды.