Итті көлікке байлап сүйреген жүргізушінің видеосы пайда болды

Әлеуметтік желіде жүріп бара жатқан автокөліктің байланған итті қалай сүйреп жүргені туралы видео жарияланды, деп хабарлайды Azattyq Rýhy.  

Белгілі болғандай, жұрттың жағасын ұстатып, қызу талқысына түскен кадрлар Алматы облысының Есік қаласында түсірілген екен. Облыстық Полиция департаментінің өкілдері қазіргі уақытта видеоның зерттеліп жатқанын мәлімдеді.  

«Қабылданған шаралардың нәтижесінде, видеоға түсіп қалған Audi маркалы автокөліктің жүргізушісі анықталды. Ол Еңбекшіқазақ ауданының 65 жастағы тұрғыны болып шықты. Қазіргі уақытта тиісті шаралар жүргізіліп жатыр, соның қорытындысы бойынша жүргізушінің әрекетіне құқықтық баға беріледі», - деді ПД өкілдері.