TengriBank басқарма басшысының экс-орынбасарының ұсталғаны туралы ақпарат расталды

Бұл қатарда банктің Алматыдағы филиалы директорының экс-орынбасары да бар

Фото: kapital.kz

Қаржы министрлігі TengriBank басқарма төрағасының бұрынғы орынбасары Бақтияр Ілиясов пен TengriBank-тің Алматыдағы филиалы директорының экс-орынбасары Әсет Жадықовтың ұсталғанын растады. Ведомство баспасөз қызметі бұл туралы қосымша ақпарат кейінірек хабарланатынын жеткізді.

Бұған дейін әлеуметтік желіде тараған ақпаратта олар банктің жалпы сомасы 8 миллиардтан астам теңге ақшасын қайтарымсыз заем түрінде беру арқылы ұрлады деген күдікке ілінгені айтылды.

Еске сала кетейік, 18 қыркүйекте TengriBank банктік және өзге де операцияларды жүргізуге берілген лицензиясынан айырылды.