Қарағанды облысында көмір тиелген 8 вагон рельстен шығып кетті

2 қараша күні сағат 06:00-де Қарағанды облысының Бұқар жырау ауданындағы Ботақара станциясы теміржол аралығының 27 шақырымындағы кірме жолдарында көмір тиелген 8 вагонның доңғалақ жұбы жолдан шығып кетіп, екеуі аударылып қалды. Бұл туралы Төтенше жағдайлар министрлігінің баспасөз қызметі хабарлайды.

Оқиға салдарынан 150 метр теміржол төсеміне зақым келген. Оқиға пойыздардың қозғалысына әсер еткен жоқ. Зардап шеккендер жоқ.

Қазіргі уақытта «Разрез «Кузнецкий» ЖШС қалпына келтіру жұмыстарын жүргізіп жатыр.