ШұғылАлматыда ағаштарды заңсыз кескендерге қатысты қылмыстық іс қозғалды

Атырауда екі баланың анасы притон ұстағаны үшін түрмеге қамалды

Ол осыдан 5 жыл бұрын сотталған, сот үкімі биыл күшіне енді

Көрнекі фото

Атырауда жеңгетайлық қызметтер ұсынып, притон ұстаған әйелге қатысты сот үкімі күшіне енді. Бұл туралы Polisia.kz хабарлайды. 

«Аталған азаматша 2015 жылдың қыркүйек айында Атырау облысының кәмелетке толмағандар істері жөніндегі мамандандырылған ауданаралық сотының үкімімен ҚР Қылмыстық кодексінің 309-бабы бойынша (жезөкшелікпен айналысуға арналған притондар ұйымдастыру немесе оларды ұстау және жеңгетайлық) айыпты деп танылып, оған бес жыл мерзімге бас бостандығынан айыру жазасы тағайындалған. Алайда сот оның кішкентай балалаларын ескеріп, жаза өтеу мерзімі н бес жылға кейінге қалдырған», – дейді Атырау қалалық пробация қызметінің инспекторы Айзере Даулетбаева.

Сотталған әйелдің негізгі жазасын өтеу мерзімінің шегерілген уақыты аяқталуына байланысты, Атырау қалалық пробация қызметі сотталушының негізгі жазасы бойынша шешім қабылдау үшін  Атырау қалалық №2 сотына ұсыным жолдады. Сот шешімімен азаматша УГ-157/9 (Атырау әйелдер колониясы) мекемесіне қамалды. Сотталған әйелдің кәмелетке толмаған екі баласын туыстары өз қамқорлығына алды.