ШұғылЕлімізде тағы 813 адамнан коронавирус анықталды

Түркістан облысында үйінде қару мен есірткі сақтаған күдікті ұсталды

Қазіргі уақытта аталған жайтқа байланысты сотқа дейінгі тергеу амалдары жүргізілуде

Түлкібас АПБ кезекші бөліміне жергілікті тұрғыннан ауыл тұрғындарының бірі өз үйінде қару-жарақ пен есірткі заттарын заңсыз сақтағаны туралы хабарлама келіп түскен. Жедел-іздестіру шаралары барысында полиция қызметкерлері Түлкібас ауданының тұрғынын күдіктіні ретінде ұстады.

Тінту кезінде жедел уәкілдер күдіктінің үйінен оқ-дәрісі бар аңшылық мылтық пен өсімдік тектес есірткі заты бар полиэтилен пакетті тәркіледі. Тәртіп сақшылары оқиғаның барлық мән-жайын анықтау үшін күдіктіні Түлкібас АПБ-не жеткізді.

«Аталған жайт ҚР ҚК-нің 296-бабы «Есірткі, психотроптық заттармен, сол тектестермен өткізу мақсатынсыз заңсыз жұмыс істеу» бойынша СДТБТ-ға тіркелді. Сараптамаға сәйкес, тәркіленген есірткі затының жалпы салмағы 26 грамнан асатын «кептірілген марихуана» болып шықты. Ал тәркіленген қарудың иесіне полицейлер ҚР ӘҚБтК-нің 482-бабы «Жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы» бойынша хаттама толтырды», - делінген облыстық ПД баспасөз қызметінің ақпаратында.

Қазіргі уақытта аталған жайтқа байланысты сотқа дейінгі тергеу амалдары жүргізілуде. Күдікті қамауда.Тергеу барысы күдіктінің басқа да қылмыстарға қатыстылығын анықтайды.