Баянауылда жол апатынан 69 жастағы жолаушы көз жұмды

Жыл басынан бері облыс жолдарында жол апатынан 39 адам қаза тапқан

Фото: ашық дереккөзден

Баянауылда 69 жастағы жолаушы жол апатынан көз жұмды. Аталған факті бойынша бірқатар сараптамалар тағайындалды. Тексеру жүргізілуде, деп хабарлайды Рavlodarnews.kz.

«Сағат 15.30-да Баянауыл – Торайғыр автожолында «Лада» автокөлігінің 36 жастағы жүргізушісі көлікті басқара алмай, кюветке аударылып кеткен. Оқиға салдарынан 69 жастағы жолаушы Баянауыл ауылындағы аудандық ауруханаға жатқызылып, алған жарақаттардан көз жұмды», - деді облыстық ПД баспасөз қызметінде.

Айта кетерлігі, жыл басынан бері облыс жолдарында 460 жол-көлік фактісі тіркеліп, 39 адам қаза тапты және 708 адам жарақат алған.

Мақалада

#Павлодар облысы #жол апаты #Баянауыл #адам өлімі #қайғылы оқиға

Алдыңғы жаңалық

Түркістан облысында үйінде қару мен есірткі сақтаған күдікті ұсталды