Қостанай облысында 17 жастағы қыз жоғалып кетті

Қостанай облысы Қостанай ауданының полицейлері 17 жастағы Арузат Құрманғалиеваны іздестіріп жатыр, деп хабарлайды Azattyq Rýhy тілшісі «Наша Газетаға» сілтеме жасап.

«2020 жылдың 4 қазанында Полиция бөліміне Заречный ауылының тұрғынынан хабар түскен. Ол 2003 жылы 30 қыркүйекте туған қызы Құрманғалиева Арузат Әзірхановнаның үйден шығып кетіп, содан оралмағанын айтқан», - делінген аймақтағы Полиция департаментінің баспасөз қызметі таратқан хабарламада.

Қыздың үстінде сұр түсті күртеше, көк джинсы, аяғында кроссовка болған. Полицейлер кәмелет жасына толмаған қыз туралы қандай да бір ақпарат білетін немесе оның қайда екенінен хабардар азаматтарды 102 нөміріне хабарласуын сұрайды.