Алматы облысында смартфонын қуаттамақ болған оқушыны тоқ ұрып, қайтыс болды

Бұл факт бойынша сотқа дейінгі тергеу басталды

Алматы облысында смартфонын қуаттамақ болған оқушыны тоқ ұрып, қайтыс болды
Фото: ашық дереккөзден

Оқушы ұялы телефонды қуаттау кезінде электр тогы соғып, қаза тапты. Оқиға Жамбыл ауданының Қарғалы ауылында болған, деп хабарлайды Azattyq Rýhy тілшісі Алматы облысы Полиция департаментінің баспасөз қызметіне сілтеме жасап.

«Қайғылы оқиға 26 қыркүйекте, сағат 22:00 шамасында Жамбыл ауданы Қарғалы ауылындағы үйлердің бірінде орын алды. Электр тогының соғуы салдарынан 15 жастағы жергілікті тұрғын қайтыс болды. Алдын ала анықталғандай, қыздың ұялы телефоны электр қуатында болған», – дейді полицейлер.

Бұл факт бойынша сотқа дейінгі тергеу басталды, сот-медициналық сараптама тағайындалды.

×
Бұл желілік ресурстың ақпараттық өнімдері 18 жастан асқан адамдарға арналған.