ШұғылҚазақстанда 39 бала Кавасаки синдромына шалдықты

Нұр-Сұлтанда терезеден құлап мерт болған бала саны 5 есеге артқан

Осы жылдың тоғыз айында 28 бала көз жұмған

Фото: ашық дереккөзден

Елордада терезеден құлап, көз жұмған балалардың саны бес есеге артып кеткен, деп хабарлайды КТК телеарнасы. Төтеншеліктер мұндай қайғылы жағдайдың жиілеп кетуін ата-аналардың жауапсыздығынан деп отыр. Сондықтан көпқабатты үйлердегі пәтер терезелерін қорғаныш құралдарымен бекітуге кеңес береді.

Әсіресе 2-7 жас аралығындағы ойын баласы пәтерлердегі терезенің қаупін түсіне бермейді. Сондықтан әр ата-ана балаларына терезе алдында ойнаудың қаупі жайлы жиі айтуы тиіс. Ал шыбын-шіркей, масадан қорғайтын торкөзді қалқандар құлап кетуден сақтай алмайды. Мұны құтқарушылар жиі ескертіп жатқанымен, нәтижесі шамалы.

Мәселен, ел астанасында былтыр 21 бала терезеден ұшып кетіп, біреуі көз жұмса, биылғы тоғыз ай көлемінде ғана 28 бала дәл осындай қайғылы оқиғаға душар болып, 5 бала  жантәсілім еткен. Төтенше жағдайлар департаменті биіктіктің қаупін балалар түгілі,  ересектер де ескере бермейді деп қынжылады.