Жаңаөзенде көшеден жаңа туған нәресте табылды

Жаңаөзенде «Рахат» шағынауданындағы көшелердің бірінен жаңа туған нәресте табылды, деп хабарлайды Azattyq Rýhy тілшісі lada.kz-ке сілтеме жасап.

Маңғыстау облысы Денсаулық сақтау басқармасы баспасөз қызметінің хабарлауынша, 11 қыркүйек күні түнгі сағат 23.00 кезінде жергілікті тұрғындар «103» нөміріне хабарласып, баланың жылаған дауысын естіп, даладан жаңа туған нәрестені тауып алғандарын айтқан. Сәби Жаңаөзен қалалық көпсалалы ауруханаға жеткізілді.

«Қазіргі таңда бала интенсивті терапия палатасында жатыр. Баланың жағдайы тұрақты ауыр. Оның неше күн бұрын және қай жерде дүниеге келгені белгісіз», - деп хабарлады ведомстводан.