ШұғылҚазақстанда маусым айында пневмониядан 628 адам қайтыс болды

Ауласына көміп тастаған: Көршісіне қарыз берген зейнеткер ажал құшты

Ер адам қасақана адам өлтіргені үшін ​​15 жылға бас бостандығынан айырылды, деп хабарлайды Azattyq Rýhy тілшісі sputniknews.kz-ке сілтеме жасап

Фото: ашық дереккөзден

Шымкент пен Қазығұртқа қоныс аударған қыздары Сарыағаш ауданының Достық ауылында жалғыз тұратын анасының жоғалып кеткені туралы хабарлаған. Өтініш берушілердің айтуынша, маусымның басында анасы байланысқа шығуды тоқтатқан. Полицейлер із-түссіз жоғалған адамды іздеуге кірісті. Оларға жергілікті тұрғындар да қосылды. Дегенмен төрт айға жуық іздеу жұмыстары нәтиже бермеді. Қыркүйек айында зейнеткермен көрші тұрған және іздеуге белсенді түрде қатысқан 33 жастағы Д.А. оны өлтіргенін мойындады.

Ер адам жыл басында көршісінен 20 мың теңге қарыз алғанын, бірақ оны қайтара алмағанын айтты. Қария есептесуді талап ете бастағанда, араларында жанжал шыққан. Ашуланған ер адам көршісін ұрып өлтірген. Түнде оның денесін өз ауласына әкеліп, көміп тастаған. Зейнеткерді іздеу барысында ер адам еш күдікке ілінбеген, бірақ оны ар-ожданы азаптап, қылмысын мойындауды ұйғарған.

«Сот айыпталушыны Қылмыстық кодекстің 99-бабында (қасақана кісі өлтіру) қарастырылған қылмысты жасады деп таныды», - деп атап өтті қылмыстық істер жөніндегі мамандандырылған ауданаралық соттың судьясы Дәурен Мадалиев.

Ер адам 15 жылға бас бостандығынан айырылды, жазасын қауіпсіздігі барынша жоғары колонияда өтейді. Үкім әлі заңды күшіне енген жоқ.  

Тегтер:
Сұхбат
Юрий Ким адамдарды жаппай егу нәтижесінде індет 2023 жылы тоқтауы мүмкін дегенді айтты
Бүгінге дейін облыста COVID-19  вирусын жұқтырған 613 адам тіркелді
Бүгін сайлауалды үгіт-насихат жұмыстары тоқтады