Авиация комитеті мәжбүрлі түрде қайта қонған FlyArystan ұшағына қатысты пікір білдірді
Ақау пайда болған әуе кемесі Атыраудан Алматыға ұшып шыққан
7 қыркүйекте FlyArystan әуе компаниясының ұшағы Атырау – Алматы бағыты бойынша рейсті орындау кезінде «Авиациялық салқындату клапаны жұмыс істемейді» деген дабыл іске қосылды. Бұл туралы ҚР ИИДМ Азаматтық авиация комитетінің баспасөз қызметі хабарлайды.
«Экипаж барлық тиісті шараларды қабылдағанымен, бұл ұшудағы ақауды қалпына келтіруге көмектеспеді, мұндай жағдайларда әуе кемесі ұшу эшелонынан он мың футтан аспайды. Осыған байланысты ұшу әуежайына оралу туралы шешім қабылданды және ұшақ штаттық режимде қондырылды», - делінген хабарламада.
Одан кейін инженерлік-техникалық құрам деактивациялау шарасын өткізіп, артынан әуе кемесі Алматы қаласына ұшып кетті. Комитеттің хабарлауынша, бұл оқиға тексеруге жататын авиациялық инциденттер тізбесіне жатпайды (авиациялық оқиғаларды тексеру қағидаларының 25 және 26-қосымшалары).
Еске сала кетейік, FlyArystan – Қазақстан тарихындағы бірінші лоукостер.
