ШҚО-да KAZ Minerals фабрикасының құрылыс алаңында жұмысшы биіктен құлап мерт болды

Шығыс Қазақстан облысындағы KAZ Minerals фабрикасының құрылыс алаңында жұмыс істеп жүрген жұмысшы биіктен құлап қаза тапты, деп хабарлайды компанияның баспасөз қызметі.

Қайғылы оқиға Ақтоғай кенішіндегі кен байыту фабрикасында болған.

«7 қыркүйек күні кешкі сағат ондар шамасында құрылыс алаңында монтаждау жұмысымен айналысып жүрген жұмысшы биіктен құлап кетті. Ол алған дене жарақаттары салдарынан оқиға орнында көз жұмды», - делінген аталған хабарламада.

Қазіргі таңда оқиға орнында жұмыс тоқтатылған. Оқиғаның мән-жайын анықтау үшін арнайы комиссия құрылып, тексеру жүргізіп жатыр.

KAZ Minerals компаниялар тобының басшылығы қаза тапқан жұмысшының туған-туыстарына көңіл айтты.