Чехословакияның соңғы Премьер-министрі Ян Страски қайтыс болды
Бұл туралы ТАСС ақпараттық агенттігі жазды. Өмірінің соңғы жылдарын Праганың қарттар үйінде өткізген саясаткердің жүрегі 80 жасқа қараған шағында тоқтады.
Оңшыл либералдық көзқарасты ұстанған Ян Страски 1992 жылы 2 шілде мен 31 желтоқсан аралығында Чехословакия Үкіметін басқарған. Сол жылы 20 шілдеден бастап ол Президент қызметін де қоса атқарды. Себебі мемлекет басшысы Вацлав Гавел елдің бөлінуіне қарсылық ретінде отставкаға кетіп қалған еді. Дегенмен, 1993 жылы 1 қаңтарда бір мемлекет Чехия және Словакия болып толығымен екіге айырылды.
