БҚО-да қолдан жасалған ұшу аппараты құлап, иесі қайтыс болды

Орал қаласында бір адамдық қолдан жасалған ұшу аппараты құлап, иесі оқиға орнында қайтыс болды. Бұл туралы Батыс Қазақстан облысы Төтенше жағдайлар департаменті хабарлады.

«28 тамызда сағат 08.30-да Орал қаласының «Казинское» бау-бақша бірлестігі ауданының 2 бау-бақша аумағына бір адамдық қолдан жасалған ұшу аппараты құлады. Өкінішке қарай, 1951 жылы дүниеге келген П.А. Ерошенко есімді аппарат иесі оқиға орнында көз жұмды», - деп хабарлайды.

Оқиға орнына ТЖД жеке құрамынан 18 адам және 4 техника, Полиция департаментінен 10 қызметкер мен 5 техника барды.