Қазақстанда өсімдік майын өндіретін жаңа зауыт салынып жатыр

Ақмола облысында 4 млрд. теңгеден астам сомаға өсімдік майын өндіретін жаңа зауыт салынуда. Бұл туралы Ауыл шаруашылығы министрлігінде хабарлады, деп хабарлайды Azattyq Rýhy тілшісі LS-ке сілтеме жасап.

Ақпаратқа сәйкес, жоба Макинск қаласында (Бұланды ауданы) жүзеге асырылуда. Зауыт майлы дақылдарды қайта өңдеуді қамтамасыз етеді және дайын өнім өңделген түрде көрші нарықтарға экспортталады.

«Жобаның құны 4,2 млрд. теңгені құрайды. Өндірістік қуаты тәулігіне 600 тонна шикізатты өндіреді»,– делінген хабарламада.

Кәсіпорында өңірдің 30 тұрғыны еңбек етеді деп күтілуде. Сонымен қатар, АШМ-де осындай зауыттарды Шығыс Қазақстан облысында салу жоспарланып отыр дейді.

Сонымен қатар, Алматы облысында дәл осы бағыттағы заманауи зауыт іске қосылды. Алайда, бұл жобаның құны ведомствода жария етілмеген.

Министрлік мұндай өндірістердің құрылысы шикізат экспортынан жоғары құны бар қайта өңделген өнімді өндіруге мүмкіндік береді деп сендірді.