Өскеменде жер үйден өрт шығып, анасы мен баласы қайтыс болды

Өскемен қаласында «Родничок» бау-бақша қоғамдастығындағы жер үйде өрт шыққан. Үйде болған анасы мен баласы иіс тиіп көз жұмды. Бұл туралы Төтенше жағдайлар департаментірің баспасөз қызметі хабарлады.

«Оқиға орнына өрт сөндірушілер келіп жеткенше үй иесі иіс тию белгілерімен жатқан 1983 жылғы әйелі мен 2018 жылғы ұлын көреді. Отағасы екеуін сыртқа алып шыққан. Өкінішке қарай, жедел жәрдем қызметкеркері екеуінің өмірін сақтап қала алмады», - деп жазылған хабарламада.

Айта кетейік, өрттің шығуына – электр жабдықтарының апаттық жағдайда болуы немесе электр құрылғысын пайдалану кезінде қауіпсіздік ережелерін сақтамау себеп болуы мүмкін.