Елордада жедел жәрдем мен жеңіл автокөлік соқтығысып қалды
Көлік жүргізушісі мен жедел жәрдем бригадасы қызметкерлері ауруханаға жеткізілді
Нұр-Сұлтан қаласында жедел жәрдем мен жеңіл автокөлік соқтығысып қалды. Жол апатының видеосы «Астана Сергек 24/7» Instagram парақшасында жарияланды, деп хабарлайды Azattyq Rýhy тілшісі.
Видеодан жедел жәрдем көлігінің жолдан шығып кетіп, LRT құрылысының қоршауына соғылғанын көруге болады.
Қалалық Полиция департаменті баспасөз қызметінің хабарлауынша, жол апаты 21 тамызда сағат 18:40 кезінде болған.
«Toyota Corolla» көлігін тізгіндеген 26 жастағы жүргізуші Керей, Жәнібек хандар көшесі жағынан Қабанбай батыр даңғылы бойымен келе жатып, Орынбор көшесінің қиылысында бағдаршамның белгісімен солға қарай бұрылар кезде басқа көлікке жол бермеген. Осының салдарынан «Hyundai» маркалы көлік жедел жәрдем көлігімен соқтығысты», - деп жазылған хабарламада.
«Toyota Corolla» жүргізушісі мен жедел жәрдем бригадасы қызметкерлері түрлі жарақатпен ауруханаға жеткізілді.
