«1-2 мың теңгеден басқа ештеңе таппады»: Ақтөбеде 83 жастағы зейнеткерді өлтірген күдікті ұсталды

Ақтөбелік полицейлер Пригородный кентінің 83 жастағы тұрғынының өлімін ашты, деп хабарлайды Azattyq Rýhy тілшісі Polisia.kz-ке сілтеме жасап.

«12 тамызда қайтыс болған адамның көршілері түнде 83 жастағы зейнеткердің қайтыс болғанын хабарлады. Оқиға орнына келген жедел-тергеу тобы зорлық белгілері бар зейнеткердің мәйітін тапты. Полиция қызметкерлерімен жүргізілген жедел-іздестіру іс-шаралары барысында 57 жастағы ақтөбелік күдікті анықталды. Ер адам Ақтөбе қаласының уақытша ұстау изоляторына қамалды. Кісі өлтіру фактісі бойынша сотқа дейінгі тергеу басталды», - деп жазылған хабарламада.

Күдікті жалғызбасты зейнеткердің үйіне кіріп, оны тонамақ болған. Зейнеткер оянып кеткенде, күдікті оны ұрып-соғып, тұншықтырған. Ол зейнеткердің үйінен 1-2 мың теңге көлемінде ақшадан басқа құнды ештеңе таппады.