ШұғылШымкентте 75 жастағы әйел коронавирустан көз жұмды

Алматы облысында мектеп оқушысын зорлаған күдікті ұсталды

Тергеушілердің айтуынша, ер адам мас күйінде қызды үйіне алдап әкетіп, сол жерде қорлаған

4 қарашада Алматы облысы Талғар ауданының тұрғыны құқық қорғау органдарына жас қызының зорланғаны туралы арыз жазған. Күдікті ретінде отбасының бұған дейін сотталған көршісі тұтқынға алынды, деп хабарлайды Azattyq Rýhy.

Облыстық полиция департаментінің Facebook-тегі ресми парақшасында пайда болған хабарламада қыздың 13 жаста екені айтылады.

Арыз жазған әйелдің сөзінше, қызына отбасы тұратын саяжай кооперативінің келесі көшесінде тұратын көршісі қиянат жасаған.

Полиция күдіктіні ұстады. Ол бұрын ұрлық жасап, адам жарақаттағаны үшін сотты болған 34 жастағы ер адам болып шықты.

Тергеушілердің айтуынша, ер адам мас күйінде қызды үйіне алдап әкетіп, сол жерде қорлаған.

Қазір ол тергеу изоляторына қамалды. Тергеу жалғасуда.

Сұхбат