Ақтауда ер адам әйелге пышақпен шабуыл жасады
Бұрын сотталған күдікті уақытша ұстау изоляторына қамалды. Әйелдің телефонын тартып алмақ болғаны болжанып отыр
Ақтауда әйелге шабуыл жасады деген күдікпен бұрын сотталған ер адам ұсталды. Қазір ол уақытша ұстау изоляторына қамалды, деп хабарлайды Azattyq Rýhy Lada.kz-ке сілтеме жасап.
Оқиға 9 қараша күні сағат 20:30 шамасында 3А шағынауданында болған. Бейресми ақпаратқа сүйенсек, күдікті әйелге суық қарумен қоқан-лоқы көрсеткен. Шабуылдың мақсаты оның ұялы телефонын тартып алу болуы мүмкін.
Маңғыстау облыстық полиция департаментінің мәліметінше, аталған факті бойынша Қылмыстық кодекстің 191-бабы (тонау) бойынша қылмыстық іс қозғалған.
«Қазір болған оқиғаның барлық мән-жайын анықтауға бағытталған тергеу әрекеттері жүргізіліп жатыр», – деп мәлімдеді полиция департаменті.
Бейресми деректер бойынша, ұсталған азамат – 1991 жылы туған, бұрын сотталған ер адам. Оқиғаның нақты мән-жайы тергеу барысында анықталады.
